Su comintzu de s’annu nou sighit su soltìstziu de ierru. Pustis de s’iscuru de sa note prus longa de s’annu su tempus fùrriat. Sas dies comintzant a islonghiare e torrat sa lughe.
In custos seros si podent bìder bator pianetas: Venere, Saturru, Giove e Marte. A sa cubada de su Sole cumparit Venere, sa dea de s’amore. In sardu tenet duos nùmenes.
Como est s’Isteddu de Chenadòrgiu. Imbetze cando si bidet a mantzanu est s’Isteddu de Arbèschida.
Marte, su deus de sa gherra, est su pianeta ruju. S’acatat a curtzu a su Trau, una costellatzione de sas prus antigas. Sa conca de su Trau est un’ammassu abertu de isteddos a forma de V, sas Iades. In sardu si narant Sa Borronchera. Paràula de sa cale no ischimus su sentidu. Assimigiat a barrancu chi cheret nàrrere trèmene, ispentuma.
Aldebaran, s’ogru de su Trau, est un’istella gigante ruja. Cun Marte a curtzu sunt duas prendas de colore ruju chi si podent ammirare pro totu su mese de ghennàrgiu.
ITALIANO - L’inizio del nuovo anno segue il sostizio d’inverno. Dopo l’oscurità della notte più lunga dell’anno il tempo cambia. Le giornate si allungano e ritorna la luce.
In queste sere si possono osservare quattro pianeti: Venere, Saturno, Giove e Marte. Venere, la dea dell’amore, appare al tramonto del Sole. In sardo ha due nomi. Alla sera è Isteddu de Chenadòrgiu. Quando compare al mattino è Isteddu de Arbèschida.
Marte, il dio della guerra, è il pianeta rosso. Lo troviamo vicino al Toro, una delle costellazioni più antiche. La testa del Toro è formata dalle Iadi, un’ammasso aperto di stelle a forma di V. In sardo si chiama Sa Borronchera. Un nome dal significato incerto. Assomiglia a barrancu che vuol dire dirupo, precipizio.
L’occhio del Toro è Aldebaran, una stella gigante rossa. Con Marte vicino forma una coppia di rubini celesti che si può ammirare per tutto questo mese di gennaio.
A cura di Fabrizio Pedes, astrofisico